11వ బ్రిక్స్ పార్లమెంటరీ ఫోరమ్‌కు నంద్యాల యువ ఎంపి శబరి ఎన్నిక
న్యూఢిల్లీ, May 25,2025: 2025 జూన్ 3 నుండి 5వ తేదీ వరకు బ్రెజిల్‌లో జరగనున్న 11వ బ్రిక్స్ పార్లమెంటరీ ఫోరమ్‌లో పాల్గొనే భారత పార్లమెంటరీ ప్రతినిధి బృందంలో సభ్యురాలిగా ఎంపిక కావడం పట్ల నంద్యాల యువ ఎంపి , డాక్టర్ బైరెడ్డి శబరి, తీవ్ర సంతోషం వ్యక్తం చేశారు. లోక్‌సభ గౌరవనీయులైన స్పీకర్ శ్రీ ఓం బిర్లా గారి నేతృత్వంలో ఈ ప్రతినిధి బృందం బ్రెజిల్‌కు వెళ్లనుంది.
ఈ ప్రతిష్టాత్మక అంతర్జాతీయ వేదికపై భారతదేశ అభిప్రాయాలను తెలియజేసే అరుదైన, గర్వించదగిన అవకాశం లభించడం పట్ల నంద్యాల యువ ఎంపి బైరెడ్డి శబరి ఆనందం వ్యక్తం చేశారు. “నా దేశం మరియు రాష్ట్రాన్ని ఈ ప్రపంచ వేదికపై ప్రాతినిధ్యం వహించడం నాకు చాలా గర్వకారణం” అని ఆమె పేర్కొన్నారు.
ఈ గౌరవం కల్పించినందుకు గాను గౌరవనీయులైన ప్రధానమంత్రి శ్రీ @narendramodi గారికి, గౌరవనీయులైన ముఖ్యమంత్రి శ్రీ @ncbn గారికి, మరియు గౌరవనీయులైన లోక్‌సభ స్పీకర్ శ్రీ @ombirlakota గారికి తన హృదయపూర్వక ధన్యవాదాలు తెలియజేశారు.
