శ్రీ వారాహీ కవచం

అస్య శ్రీవారాహీకవచస్య త్రిలోచన ఋషిః,

అనుష్టుప్ ఛన్దః,

శ్రీవారాహీ దేవతా,

ఓం బీజం, గ్లౌం శక్తిః, స్వాహేతి కీలకం,

మమ సర్వశత్రునాశనార్థే జపే వినియోగః ॥

ధ్యానమ్ ||

ధ్యాత్వేన్ద్రనీలవర్ణాభాం చన్ద్రసూర్యాగ్నిలోచనామ్ ।
విధివిష్ణుహరేన్ద్రాది మాతృభైరవసేవితామ్ ॥

స్తోత్రం ||

జ్వలన్మణిగణప్రోక్తమకుటామావిలమ్బితామ్ ।
అస్త్రశస్త్రాణి సర్వాణి తత్తత్కార్యోచితాని చ ॥ 1 ॥

ఏతైః సమస్తైర్వివిధం బిభ్రతీం ముసలం హలమ్ ।
పాత్వా హింస్రాన్ హి కవచం భుక్తిముక్తిఫలప్రదమ్ ॥ 2 ॥

పఠేత్త్రిసన్ధ్యం రక్షార్థం ఘోరశత్రునివృత్తిదమ్ ।
వార్తాలీ మే శిరః పాతు ఘోరాహీ ఫాలముత్తమమ్ ॥ 3 ॥

నేత్రే వరాహవదనా పాతు కర్ణౌ తథాఞ్జనీ ।
ఘ్రాణం మే రున్ధినీ పాతు ముఖం మే పాతు జమ్భినీ ॥ 4॥

పాతు మే మోహినీ జిహ్వాం స్తమ్భినీ కణ్ఠమాదరాత్ ।
స్కన్ధౌ మే పఞ్చమీ పాతు భుజౌ మహిషవాహనా ॥ 5 ॥

సింహారూఢా కరౌ పాతు కుచౌ కృష్ణమృగాఞ్చితా ।
నాభిం చ శఙ్ఖినీ పాతు పృష్ఠదేశే తు చక్రిణి ॥ 6 ॥

ఖడ్గం పాతు చ కట్యాం మే మేఢ్రం పాతు చ ఖేదినీ ।
గుదం మే క్రోధినీ పాతు జఘనం స్తమ్భినీ తథా ॥ 7 ॥

చణ్డోచ్చణ్డశ్చోరుయుగ్మం జానునీ శత్రుమర్దినీ ।
జఙ్ఘాద్వయం భద్రకాళీ మహాకాళీ చ గుల్ఫయోః ॥ 8 ॥

పాదాద్యఙ్గుళిపర్యన్తం పాతు చోన్మత్తభైరవీ ।
సర్వాఙ్గం మే సదా పాతు కాలసఙ్కర్షణీ తథా ॥ 9 ॥

యుక్తాయుక్తస్థితం నిత్యం సర్వపాపాత్ప్రముచ్యతే ।
సర్వే సమర్థ్య సంయుక్తం భక్తరక్షణతత్పరమ్ ॥ 10 ॥

సమస్తదేవతా సర్వం సవ్యం విష్ణోః పురార్ధనే ।
సర్వశత్రువినాశాయ శూలినా నిర్మితం పురా ॥ 11 ॥

సర్వభక్తజనాశ్రిత్య సర్వవిద్వేషసంహతిః ।
వారాహీ కవచం నిత్యం త్రిసన్ధ్యం యః పఠేన్నరః ॥ 12 ॥

తథా విధం భూతగణా న స్పృశన్తి కదాచన ।
ఆపదః శత్రుచోరాది గ్రహదోషాశ్చ సమ్భవాః ॥ 13 ॥

మాతా పుత్రం యథా వత్సం ధేనుః పక్ష్మేవ లోచనమ్ ।
తథాఙ్గమేవ వారాహీ రక్షా రక్షాతి సర్వదా ॥ 14 ॥

ఇతి శ్రీరుద్రయామలతంత్రే శ్రీ వారాహీ కవచమ్ ॥